fbpx

Kosovarët përdoruesit më të mëdhenj të rrjeteve sociale

Kosovarët përdoruesit më të mëdhenj të rrjeteve sociale

Shkalla e papunësisë në Kosovë mbetet shqetësuese dhe kjo duket t’i ketë kontribuar edhe shkallës së lartë të qasjes dhe përdorimit të internetit në vend.

Bazuar në statistikat e fundit të publikuara nga Agjencia për Statistika (ASK), një përqindje prej 93 përqindje të familjeve kosovare kanë patur qasje në Internet gjatë vitit 2018. Kështu kosovarët renditen në mesin e përdoruesve më të mëdhenj të Internetit në Evropë, duke lënë mbrapa edhe vendet e zhvilluara si Gjermania e Franca.

Po ashtu, të dhënat nga Speedtest Global Index kanë zbuluar se Kosova internetin e dytë më të shpejtë në Ballkan me 39.6 Mbps, pas Serbisë me 40.6 Mbps.

Ndërkohë që kjo mbetet një realitet i ditur për shumicën, është shumë më rëndësi të dihet më shumë mbi atë se për çfarë përdoret më së shumti interneti në Kosovë, pasi kjo mund to ofrojë  detaje të vlefshme mbi kontekstin socio-ekonomik të shfrytëzimit të internetit.

Ashtu si edhe mund të jetë pritur, rrjetet sociale janë pjesa ku kosovarët shpenzojnë më së shumti kohë. Në fakt kjo është në përputhje në masë të madhe me trendet globale. Sipas një hulumtimi të STIKK në vitin 2016, aplikacionet më të përdorura ishin Facebooku, Instagrami dhe Twitteri dhe shumë pak duket të ketë ndryshuar në këtë drejtim.

Kosovarët e moshës 13-19 vjeçare dhe atë të moshës 29 vjeçare preferojnë Facebookun para aplikacioneve tjera. Në anën tjetër Twitterin dhe Instagramin e përdorin kryesisht kosovarët e moshës 18- 29 vjeç.

Shkalla e përdorimit të rrjeteve sociale vazhdon të mbetet e lartë nga të gjithat kategoritë e moshës. Për më tepër mediume tjera i janë bashkuar listës së rrjeteve sociale online të preferuara nga kosovarët.

Një hulumtim nga inxhinierët e Tinderoplus.com i bazuar në të dhënat indirekte të grumbulluara nga përdorimi i internetit ka gjetur që Tinder është duke i bërë veçanërisht i popullarizuar mes kosovarëve për shkak të mundësive të ndryshme që rrjeti ofron për të njohur njerëz me interesa dhe shije të përbashkëta.

Bazuar në këto gjetje 80 deri në 90 mijë kosovarë përdorin applikacionin e Tinderit, pra janë të interesuar të gjejnë partnerë potencialë përmes tij.

Statistikisht, meshkujt përbëjnë pjesën më të madhe të përdoruesve të Tinderit në Kosovë. Bazuar në këto gjetje, 45 deri në 50 mijë meshkuj kosovarë shfaqin interes në gjetjen e partnerit të tyre përmes Tinderit. Në anën tjetër numri i përdoruesve femra sillet mes 30 deri 35 mijë.

Përveç shpërndarjes gjinore, raporti gjeti edhe të dhëna për lokacionin më të shpeshtë të përdoruesve në Kosovë. Rreth 65 përqind  e përdoruesve të Tinderit në Kosovë janë nga zonat urbane, ndërkohë përqindja tjetër prej 35 përqind e përdoruesve janë nga zonat më pak urbane.

Kjo rritje e përdorimit të Tinderit përkon në masë të madhe me trendet globale. Në vitet e fundit numri i përdoruesve të Tinderit është rritur me shpejtësi të madhe dhe në vitin 2019 komuniteti i tyre grumbullon mbi 57 milionë përdorues aktivë. Si rezultat përfitimet e kompanisë që menaxhon me aplikacionin janë rritur me ritëm të shpejtë duke e bërë prej projekteve më fitimprurëse në tregun aktual të rrjeteve sociale.