Gjatë ditës së sotme pritet të dalin në shitje biletat mes Kosovës dhe Anglisë, ndeshje kjo e vlefshme për kualifikimet në Euro 2020.
Me fillim prej orës 16:00 pritet që të dalin në shitje biletat për këtë ndeshje në ueb faqen tiks.app.
Dje kompania tiks app doli me njoftim ku tregoi se “kërkesa për biletat e ndeshjeve të Kosovës është shumë e madhe” dhe se “statistikisht, vetëm 5.5% të kërkesave online arrijnë të sigurojnë biletë”.
Ndërkaq, për kohën kur do të dalin në shitje biletat ka konfirmuar edhe Fedarata e Futbollit e Kosovës.
Njoftimi i plotë nga FFK:
Federata e Futbollit e Kosovës njofton opinionin se biletat për ndeshjen kualifikuese për Euro 2020, Kosovë – Angli, do të dalin në shitje më 12 nëntor, në orën 16:00.
Ndeshja do të zhvillohet, më 17 nëntor, në stadiumin “Fadil Vokrri” në Prishtinë, në orën 18:00.
Biletat mund të blihen nëpërmjet platformës online www.tiks.app
Çmimet e biletave janë sikurse në ndeshjet e mëparshme:
Veri dhe Jug 5 euro
Lindje 10 dhe 15 euro
Perëndim 15 euro dhe 20 euro
VIP 80 euro
