Kroacia është bërë pjesë e garës së ashpër, për të tërhequr në vend investimin e Volkswagenit për të ndërtuar fabrikën e re të prodhimit të automjeteve.
Vlera e investimit do të kalojë shifrën 1 miliard euro dhe pritet të hapë edhe rreth 4 mijë vende të reja të pune, përcjell Telegrafi.
Sipas raportimit të medieve vendase, Kroacia do të hyjë në garën për fabrikën e re të Volkswagenit, së bashku me Bullgarinë, Serbinë dhe Rumaninë.
Fillimisht u njoftua se kjo fabrikë do të ndërtohej në qytetin turk të Izmirit dhe se do të arrinte vlerën 1.3 miliard euro, por më pas njoftimi u pezullua.
Nga planifikimet fillestare, në këtë fabrikë do të prodhohen rreth 300 mijë makina Passat dhe Skoda.
