Kryeministri i Pakistanit Imran Khan i ka shkruar një letër Mark Zuckerberg, CEO i Facebook, duke i kërkuar atij të vendosë një ndalim të përmbajtjes islamofobike.
Në një letër, Z. Khan tha se “Islamofobia në rritje” po inkurajonte “urrejtjen, ekstremizmin dhe dhunën, veçanërisht përmes përdorimit të mediave sociale”.
Kjo vjen një ditë pasi Z. Khan akuzoi presidentin francez Emmanuel Macron për “sulm ndaj Islamit”.
Facebook tashmë ka një politikë të heqjes së gjuhës së urrejtjes në platformat e saj.
Ai e përkufizon gjuhën e urrejtjes si “një sulm të drejtpërdrejtë ndaj njerëzve” bazuar në karakteristikat e mbrojtura duke përfshirë racën, etninë, origjinën kombëtare dhe përkatësinë fetare, përmes “fjalimit të dhunshëm ose dehumanizues” ose “stereotipave të dëmshëm”.
“Mesazhi i urrejtjes duhet të ndalohet në tërësi, nuk mund të thuash që disa mesazhe urrejtjeje janë të pranueshëm e disa të tjerë jo”./Insajderi.com
Burimi: BBC News
