Milan Radojeviq është liruar nga pozita e zëvendësministrit të brendshëm të Kosovës, njofton Insajderi.
Vendimin për lirimin e tij e ka marrë kryeministri, Avdullah Hoti.
Lajmin për Insajderin e ka konfirmuar zëdhënësja e qeverisë për media, Antigona Baxhaku.
“Po është liruar nga detyra, sepse ai është zgjedhur kryetar i Komunës së Mitrovicës së Veriut”, ka thënë Baxhaku.
Ajo ka shpjeguar se kjo “është procedurë e rregullt për raste të tilla e paraparë me ligj”.
Ishte vetë Radojeviq që i ka kërkuar Hotit ta lirojë nga pozita që të mund të ushtrojë funksionin e kryetarit të komunës, të fituar në zgjedhjet e fundit.
Mitrovica e Veriut bashkë me Podujevën shkuan në zgjedhje të parakohshme, pasi që dy kryetarët e këtyre komunave morën funksione qeveritare./Insajderi.com