Kryeprokurori, Imer Beka ka dhënë detaje rreth vrasjes së trefishtë që ndodhi sot në lagjen Dardania në Prishtinë.
Kryeprokurori ka thënë se ende nuk i kanë të qarta motive pse ka ndodhur vrasja e trefishtë, por ka konfirmuar se Hasan Krasniqi ka pasur probleme psikike.
“Sot ka ndodhur një tragjedi familjare e rëndë, ku janë tri viktima të cilat kanë vdekur nga arma, Zotëri i shtëpisë ka vrarë së pari gruan, gruan e djalit e në fund ka bërë edhe vetëvrasje”, ka thënë mes tjerash kryeprokurori.
Siç ka theksuar kryeprokurori, djali dorasit ka konfirmuar se i ati shpesh ka pasur kontroll në psikiatri.
“Motivet ende nuk keni mundur me i marrë siç duhet, vetëm dimë se personi që e ka bërë këtë vepër ka qenë me problem psikike ose mendore, sipas djalit të tij shpesh herë është kontrolluar në psikiatri”, ka thënë Beka shkruan Insajderi.com
I pyetur në lidhje me gjendjen e fëmiut – 2 vjeçar, Beka ka thënë se fëmiu është marrë nga babai dhe është dërguar në një vend të sigurt tek disa familjarë tjerë. /Insajderi.com