Kryetari i komunës së Vushtrrisë, Xhafer Tahiri, po mburret që disa punëtorë të Komunës që ai drejton kanë dalë të punojnë në vikend.
“Edhe pse vikend, dje e sot ekipet inxhinierike te urbanizmit të komunës bashke me KEDS kanë punuar ne shesh për hartimin e projektit për largimin e kabllove. Bizneset e qytetaret i kanë mirëpritur zgjidhjet e ofruara. Punimet fillojnë se shpejti. Good job!”, ka shkruar ai në profilin e tij në Facebook, ku ka postuar edhe disa fotografi ku shihen ekipet duke punuar.
Tahiri është kritikuar nga opozita për qeverisjen e tij në Vushtrri. Para disa muajve, ai e kishte emëruar vëllain si shofer personal të tij. /Insajderi.com
