Posta edhe mund të privatizohet më pas, por një herë duhet të funksionalizohet ka thënë ministri Blerim Kuçi.
Ministri i Zhvillimit Ekonomik, Blerim Kuçi, ka deklaruar se nuk është mirë të privatizohet posta, pa u funksionalizuar fillimisht, njofton Insajderi.
“Unë mendoj që e para duhet ta rregullojmë sa është e mundur përformanca e kësaj ndërmarrje e pastaj paralel të shikojmë privatizimin, por pa e rregulluar çështjen e performancës së kësaj ndërmarrje nuk kisha marrë këso veprimi”, ka deklaruar Kuçi.
“E imja si ministër dhe kësaj qeverie është ta rrit përformancen e kësaj ndërmarrje me mekanizma ekzistues aq sa është e mundur, nëse nuk është e mundur, atëherë duhet me u marrë edhe vendime tjera”.
Qeveria e Kosovës në krye me Avdullah Hotin, ka kthyer sërish çështjen e privatizimit të Telekomit.
Teksa në Qeverinë̈ Kurti nuk ishte paraparë privatizimi i kësaj ndërmarrje publike në asnjë pikë në programin qeverisës, në pikën 5.7 të programit të Qeverisë Hoti është theksuar edhe privatizimi apo shitja e aksioneve të ndërmarrjeve publike, përfshirë këtu edhe Telekomin./Insajderi.com
