Këtë të shtunë bëhen një vit që kur Dua Lipa lansoi albumin “Future Nostalgia”, njofton Insajderi.
Këngëtarja padyshim që nuk po parashikonte një pandemi globale kur ishte duke përgatitur publikimin e albumit të saj të dytë, por ajo ka shfrytëzuar në maksimum këtë vitin e kaluar. Pavarësisht nga koha e paprecedentë, ajo ka arritur të mbetet e angazhuar me fansat duke lëshuar një album remix dhe këngën e re “We’re Good”.
Lipa së fundmi u ul për një intervistë me YouTube për të biseduar rreth muzikës së saj. Duke shpjeguar kuptimin prapa këngës “We’re Good”, Lipa tha se ishte frymëzuar nga ideja e pakapshme e një ndarjeje miqësore.
“E gjithë historia pas këngës është një ndarje miqësore. Për shumë njerëz ndarja mund të jetë një proces i vështirë për ta kaluar, por shpresoj që të jetë një ndarje e lehtë dhe të dy thjesht mund të vazhdoni jetën tuaj”. /Insajderi.com
