Kryeministri i Kosovës, Albin Kurti, ka reaguar pas dënimit ndaj dy ish-shefave të shërbimit të sigurimit shtetëror të Serbisë, me nga 12 vjet burgim për udhëheqjen e grupeve paraushtarake gjatë luftërave në ish-Jugosllavi në vitet 1990, njofton Insajderi.
Me anë të një postimi në llogarinë e tij në Twitter, Kurti thotë se strukturat e të njëjtëve individë, kanë kryer gjenocid edhe në Kosovë.
“Dy figura famëkeqe të regjimit të Millosheviçit, Jovica Stanisiç & Franko Simatoviç, u dënuan me 12 vjet burg secili për ndihmën dhe mbështetjen e krimeve të kryera nga një njësi speciale e Shërbimit të Sigurimit të Shtetit Serb, Beretat e Kuqe, gjatë luftës në Bosnje në 1992. Këta janë të njëjtët persona, strukturat e të cilëve pas Bosnjës kryen gjenocid në Kosovë”, ka shkruar ai.
I pari i Qeverisë mes tjerash thotë se Serbia duhet të distancohet nga Millosheviqi dhe të kërkojë falje teksa shton se vetëm atëherë mund të fillojë pajtimi.
“Këta janë të njëjtët persona, strukturat e të cilëve pas Bosnjës kryen gjenocid në Kosovë. Serbia sot duhet të përballet me të kaluarën e saj, të pranojë të vërtetën, të kërkojë falje & të distancohet nga Serbia e Millosheviçit. Vetëm atëherë mund të fillojë pajtimi” është shprehur Kurti. /Insajderi.com
Two notorious figures of Milosevic’s regime, Jovica Stanisic & Franko Simatovic, were sentenced to 12 years in prison each for aiding & abetting crimes committed by a Serbian State Security Service special unit, Red Berets, during the Bosnian war in 1992.
— Albin Kurti (@albinkurti) June 30, 2021
