Komisionit Qendror Zgjedhor i janë alokuar mjetet financiare për organizimin e zgjedhjeve të jashtëzakonshme në Podujevë. Këto mjete financiare iu ndarë ashtu siç është marrë vendimi në Qeveri vetëm për mallra dhe shërbime, jo mëditje.
Qeveria ka ndarë 393 mijë e 474 euro për mbajtjen e zgjedhjeve për Kryetar të Podujevës, 100 mijë euro më pak sesa kishte kërkuar KQZ-ja.
Në mbledhjen e sotme të KQZ-së, kryeshefi ekzekutiv i SKQZ-së, Yll Buleshkaj, i cili shtoi se do të përpilojnë kërkesën e re karshi ekzekutivit për pagesën e orëve shtesë gjatë periudhës së zgjedhjeve në Podujevë.
“Sot na ka ardh vendimi nga Qeveria për ndarjen e mjeteve për kategorinë e mallrave dhe shërbimeve sipas kërkesës tonë buxhetore. I njëjti buxhet është alokuar dhe ne kemi filluar të gjitha procedurat e tenderimit menjëherë. Ky është një lajm i mirë në vazhdën e atyre lajmeve jo të mira. Ne si sekretariat jemi në përpilimin e kërkesës së re. Ajo do të përbëj mjetet që ne e konsiderojmë të nevojshme për kompensim për stafin në lidhje me orët shtesë gjatë kësaj periudhe”, tha ai.
Këtë alokim të mjeteve financiare e mirëpritet gjithë anëtarët e KQZ-së. Kjo e fundit gjatë mbledhjes sotme e votoi edhe raportin financiar të tyre për vitin 2019. Derisa edhe zëvendësuan disa nga anëtarët e kuvendeve komunale në Ferizaj, Prishtinë dhe Deçan
KQZ në mbledhjen e sotme po ashtu ka votuar raportin vjetor financiar për vitin 2019. Derisa edhe kanë zëvendësuar edhe disa nga anëtarët e Kuvendit komunal në disa qytete të Kosovës./Insajderi.com
Shiko edhe:
