LeBron James, ylli i Los Angeles Lakers, kampioni aktual i NBA-së, do të mungojë në parket për një kohë të gjatë për shkak të një lëndimi, njofton Insajderi.
Në një deklaratë nga klubi thuhet se LeBron James, 36 vjeçar, u lëndua gjatë një ndeshjeje në të cilën Los Angeles Lakers humbën ndaj Atlanta Hawks me rezultatin 94-99. Sipas deklaratës, LeBron ka pësuar një zgjatje serioze në këmbën e tij të djathtë dhe nuk dihet ende se kur do të jetë në gjendje të kthehet në parket.
Sipas mediave amerikane, për shkak të lëndimit, James do të jetë jashtë parketit për të paktën një muaj, por kjo periudhë mund të jetë edhe më e gjatë.
Pas dëmtimit, James shkroi një postim në Twitter, duke thënë: “Asgjë nuk më dhemb dhe nuk më bezdis më shumë sesa fakti që nuk mund t’i ndihmoj shokët e skuadrës. Jam shumë i pikëlluar vërtet. Procesi i shërimit ka filluar. Do të kthehem së shpejti, sikur të mos isha larguar fare”. /Insajderi.com
