Leonardo DiCaprio për gati dy vjet ka qenë shumë i zëshëm në mbrojtjen e lumit Vjosa nga ndërtimi i hidrocentraleve, njofton Insajderi.
Së fundmi ai ka shpërndarë një tjetër video në llogarinë e tij në Instagram ku numëron më se 50 milionë ndjekës.
Ai edhe njëherë vë në dukje rëndësinë e lumit, duke theksuar se edhe parlamenti evropian po nxit autoritetet shqiptare të ndërtojnë “Parkun Kombëtar Vjosa”
Vjosa është lumi i egër më i madh në Evropë. Janë 300 kilometra rrjedhje të pandërprera nga burimi i saj në malet në Greqi në detin Adriatik. Lumi është shumë i rëndësishëm për jetën e më shumë se 1,100 lloje peshqish të ujërave të ëmbla dhe nga ana kulturore është po ashtu i rëndësishëm për njerëzit në Shqipëri. Dje, Parlamenti Evropian nxiti autoritetet shqiptare “të krijojnë sa më shpejt të jetë e mundur Parkun Kombëtar Vjosa, duke e zgjatur në tërë gjatësinë e lumit”, shkruan ai.
View this post on Instagram
Në po të njëjtin postim ai ka etiketuar edhe llogaritë zyrtare të Edi Ramës, Lulzim Bashës, Monika Kryemadhit dhe Ilir Metës në Instagram.
I pari që reagoi ishte kryetari i Partisë Demokratike, Lulzim Basha duke ri-postuar videon e aktorit. Gjithashtu edhe presidenti Ilir Meta – i cili para pak ditësh doli në mbrojtje për shpalljen e lumit Vjosa një “Park Kombëtar”.
Në një postim në Twitter, presidenti shpreh mirënjohje për solidaritetin e aktorit duke shkruar:
“Falënderime dhe mirënjohje për solidaritetin tënd frymëzues”, shkruan Meta. “Ne jemi të vendosur, deri në 25 Prill, të mos lejojmë me mjete demokratike ndonjë vendim arbitrar për ndërtimin e hidrocentraleve në lumin Vjosa”, përfundoi ai. /Insajderi.com
We❤Vjosa and forever we will protect it! Thanks & gratitude @LeoDiCaprio for your inspiring solidarity! We are determined, until April 25, not to allow by democratic means any arbitrary decision for the construction of hydropower plants on the Vjosa River. #VjosaNationalParkNow https://t.co/pj4lLgoNHy
— Ilir Meta (@ilirmetazyrtar) March 30, 2021
