Kryetari i Nismës Socialdemokrate, njëherësh zëvendëskryeministër në qeverinë e Kosovës, Fatmir Limaj ka shkruar në llogarinë e tij në ‘Facebook’, se Qeveria e Kosovës ka proceduar në Kuvend tri projektligje të cilat mundësojnë transformimin e FSK-së në ushtri.
Si Qeveri e Kosovës, ai thotë se presin që edhe Kuvendi i Kosovës t’i japë dritën jeshile këtij transformimi.
“Miratimi i këtij projektligji tregon se FSK është e gatshme për t’u shndërruar në Ushtri dhe për të kontribuuar për sigurinë në vend, rajon dhe më gjerë në partneritet të plotë me vendet mike”, ka shkruar ndër të tjera Limaj në llogarinë e tij në ‘Facebook’.
