Adoleshentja palestineze, Ahed Tamimi është liruar nga burgu pasi kaloi tetë muaj për goditje dhe rrahje të një ushtari izraelit në Bregun Perëndimor.
Videoja e incidentit jashtë shtëpisë së saj në Nabi Saleh vitin e kaluar u bë virale.
Për palestinezët ajo u bë simbol i rezistencës ndaj okupimit izraelit, por shumë izraelitë e shohin atë si një shkaktare problemesh që kërkon famë.
Shërbimi i burgjeve izraelite thotë se do kthehet në Bregun Perëndimor.
Atë kohë ishte 16 vjeçe dhe fillimisht u përball me 12 akuza, por u deklarua fajtore në mars për katër akuza duke përfshirë sulmin.
Ahed Tamimi u filmua nga nëna e saj, Nariman, teksa bërtiste dhe godiste ushtarët në rrugën pranë shtëpisë së saj me 15 dhjetor 2017.
Incidenti u transmetua në faqen e Facebook të Nariman Tamimit dhe videoja e konfrontimit u pa në mbarë botën.
Në pamje duket si adoleshentja fillon të godasë një ushtar në fytyrë dhe kërcënon tjetrin se do i bëjë të njëjtën gjë.
