Lista Serbe: Jemi opozitë e vërtetë, s’ka rëndësi ku ulemi

Lista Serbe: Jemi opozitë e vërtetë, s’ka rëndësi ku ulemi

Deputeti i Listës Serbe, Igor Simiq, ka thënë se deputetët e kësaj partie e kryejnë punën si një opozitë e vërtetë dhe nuk janë në pushtet.

“Lista Serbe është përgjegjëse për punën e tyre të përditshme si opozitë në Kuvendin e Kosovës”, ka thënë Simiq.

Ai ka kritikuar mediet kosovare se po spekulojnë që Lista Serbe ende është pjesë e pozitës për shkak të vendit ku ata ulen.

Simiq ka theksuar se papërgjegjshmëria e medieve në Kosovë vazhdimisht po e minon Listën Serbe.

“Ata krijojnë një fushatë kundër udhëheqësve politikë serbë në Kosovë dhe po spekulojnë më tej nëse anëtarët e Listës Serbe janë në pushtet apo opozitë”.