Njësitet kryengritëse me përkrahje të ushtrisë turke kanë nisur një ofensivë në qytetin Sarakib në provincës siriane Idlib.
“Grupet “terroriste” kanë përdorur dhjetëra vetëvrasës me bomba dhe vetura të minuara në pjesën perëndimore të Sarakibit, duke shfrytëzuar përkrahjen e fortë të zjarrit të forcave turke”, pretendon agjencia shtetërore e lajmeve SANA.
Në kumtesë shtohet se janë në zhvillim betejat a ashpra në mes forcave kryengritëse të përkrahura nga ushtria turke dhe forcave qeveritare të Assadit të përkrahura nga ushtria ruse.
“Forcat e qeveritare po përdorin zjarr nga artileria e rëndë dhe dhjetëra “terroristë” janë likuiduar”, pretendon SANA.
Më herët mediet turke kanë lajmëruar se opozita siriane e ka marrë kontrollin në qytetin Sarakib, mirëpo më vonë një burim nga qeveria e Assadit ka thënë se nuk janë të vërteta këto raportime.
Burimi thekson se “forcat qeveritare me sukses e kanë dëbuar sulmin e kryengritësve dhe se qyteti është nën kontroll të plotë të qeverisë siriane”./Insajderi.com.
