Presidenti i Bjellorusisë Alexandar Lukashenko nuk heqë dorë nga aktivitetet e përditëshme edhe pse këto nënkuptojnë kontaktin e afërt. ai madje thotë se vodka dhe saunat mund të kurojnë koronavirusin vrasës, duke injoruar konsulencën botërore mbi pandeminë.
“Më mirë të vdesësh në këmbë sesa të jetosh në gjunjë. Këtu nuk ka virus. A keni vërejtur pranverën këtu? As unë nuk kam vërejtur. Këtu është si në frigorifer. Kjo është më së miri për imunitet, ky është ilaçi më i mirë për virus”, ka thënë ai.
Alexander Lukashenko ka sugjeruar madje se bjellorusët duhet të pijnë 50ml vodka në ditë për të mbajtur larg virusin.
Lukashenko, aleati më i afërt i Putinit, thotë më tej se puna në fusha dhe ngrënia e mëngjesit në orën e caktuar janë mënyra më e mirë për të qëndruar i shëndetshëm.
Deri në fundjavë vendi kishte vetëm 51 raste koronavirusi dhe presidenti tha se bjellorusët “nuk vujanë nga e njëjta psikozë si ata në Evropën Perëndimore.”
Bjellorusia është një prej vendeve të fundit në botë që nuk ka anuluar kampionatin e futbollit, e që i gëzon dashamirët e këtij sporti në gjithë botën.
Futbollisti më i njohur vendas Alexander Hleb, ish-yll i Arsenal e Barcelona pranoi se “asnjë nuk e vret mendjen për koronavirusin”./Insajderi.com.