Presidenti francez, Emanuel Macron, ka publikuar në Twitter, pjesën e fjalimit të tij të mbajtur në Beograd, aty ku qëndroi për vizitë dy ditore.
Macron, ka folur për zgjedhjen e problemit ndërmjet Kosovës dhe Serbisë, ndërsa ka thënë se duhet të ndërtojmë së bashku paqen ndërmjet këtyre shteteve.
Presidenti francez e përmend gjatë fjalimit të tij kompromisin si një mundësi për të gjetur një zgjidhje për të dy palët, duke thënë se për një gjë të tillë ka inkurajuar edhe presidentin e Serbisë, Aleksander Vuqiçin.
Edhe pse duket një gjë e vështirë, Macron thotë se e inkurajon edhe palën kosovare, për të gjetur një zgjidhje inteligjente.
Ndërkohë presidenti i Serbisë, Aleksander Vuqiç, teksa ka folur sot para disa studentëve në Serbi, ka thënë se muaji shtator mund të jetë koha për rifillimin e dialogut ndërmjet Prishtinës dhe Beogradit./ Insajderi.com
Nous devons ensemble construire la paix entre la Serbie et le Kosovo. Mon message depuis Belgrade : pic.twitter.com/6v7M530wsP
— Emmanuel Macron (@EmmanuelMacron) July 16, 2019
