Majlinda e mrekullueshme – fiton medaljen e Artë

Majlinda e mrekullueshme – fiton medaljen e Artë

Pas Distria Krasniqit, edhe Majlinda Kelmendi e ka fituar medaljen e Artë në Grand Prix të Uzbekistanit.

Kampionia Olimpike e mposhti me Ippon në finalen e kategorisë -52 kg xhudisten nga Zvicra, Evelyne Tschopp, raporton Insporti.

Kjo është medalja e dytë për Kelmendin që pas rikthimit nga dëmtimi që e mbajti jashtë për më shumë se një vit.

Ajo ka fituar të Argjendtën në kategorinë -52kg në Grand Slam Turneun në Abu Dhabi që ishte ndërprerë për shkak të një incidenti, ku e kishte pësuar Kelmendi.

Majlinda, e cila u paraqit në finale me hundën e mbrojtur me fllasterë dhe bandazhe për shkak të një lëndimi të mëhershëm, pikërisht pësoi çarje në hundë dhe pësoi gjakderdhje.

Kelmendi nuk u dorëzua dhe vazhdoi të luftojë me italianen, Odette Giuffrida, mirëpo, gjyqtarët vendosen ta ndërprejnë finalen për shkak se ishte e pamundur të ndërpritej gjakderdhja, pa u trajtuar më mirë dhe kështu mori medaljen e Argjendtë. Por, nuk vonoi shumë, tani në Uzbekistan ka ardhur edhe e Arta.

Pas pak, edhe Nora Gjakova do të kërkojë të Artën në Uzbekistan.

Ajo do të përballet me xhudisten nga Gjermania, Theresa Stoll.