Mali i Zi refuzon respiratorët falas nga Serbia, kurse Kosova pranon 1 mijë teste

Mali i Zi refuzon respiratorët falas nga Serbia, kurse Kosova pranon 1 mijë teste

Shteti i Malit të Zi nuk ka pranuar respiratorë si dhuratë nga Serbia, ajo i ka refuzuar ato pavarësisht pandemisë së COVID-19.

5 respiratorë që presidenti serb, Aleksandar Vucici dëshiroi t’ia dhuron Malit të Zi, krejt kjo për 2 arsye po thonë mediet malazeze, e para për të qetësuar raportet e acaruara së fundi mes dy vendeve dhe e dyta për shkak të luftës ndaj koronavirusit.

Por, kjo ‘ndihmë e Serbisë’ është refuzuar kategorikisht nga Qeveria malazeze, këtë e ka konfirmuar edhe ambasadori serb në Mal të Zi, Vladimir Bozovic.

Bozovic ka kërkuar nga Mali i Zi që ta rishqyrtojë këtë ndihmë nga Serbia, pasi kjo është si ndihmë për luftë kundër koronavirusit, shkruan Metro.

Por, ndryshe ka vepruar Kosova, ajo ka pranuar që të marrë 1 mijë teste për koronavirusin nga Serbia.

Lajmin e ka pranuar mbrëmë edhe kryeministri në detyrë, Albin Kurti, i cili ka thënë se kjo ka ardhur si ndihmë nga Serbia për shkak të sjelljes së mirë që kemi bërë ndaj komunitetit serbë në Kosovë.

Kujtojmë se blerja e 1 respiratori kushton mbi 50 mijë euro tani, kurse 1 test për koronavirus kushton 14 euro për ta blerë.