203 mijë euro do të ndahen për shoqatat e dala nga lufta, veteranët e luftës dhe familjet e dëshmorëve, njofton Insajderi.
Në mbledhjen e sotme të Qeverisë së Kosovës është marrë vendim që të ndahen këto mjete të cilat ndahen nga Pakoja për Rimëkëmbjen Ekonomike.
Këtë e bëri të ditur Ministri i Punës dhe Mirëqenies Sociale, Skënder Reçica.
Ai ka kërkuar që nga muaji i ardhshëm të gjithë veteranëve të luftës t’u sigurohet përkujdesje shëndetësore.
Qeveria në këtë pikë ka votuar pro, pa asnjë votë kundër dhe asnjë abstenim. /Insajderi.com
