Një neurotoksinë vdekjeprurëse dhe ndryshimi i klimës dyshohet se kanë luajtur një rol.
Misteri që rrethon qindra ngordhje të papritura të elefantëve në Botsvana duket se është zgjidhur dhe gjetjet u japin fund spekulimeve me muaj se pse të paktën 330 elefantë u gjetën të ngordhur në rajonin veriperëndimor të vendit të Afrikës Jugore në fillim të këtij viti, shkruan ABC News, transmeton Insajderi.
Fillimisht, shpjegimet e mundshme mbi vdekjet kishin filluar nga gjuetia pa leje, te antraksi dhe deri te helmimi. Tani, megjithatë, vendi ka theksuar lulëzimet toksike të cianobaktereve, një neurotoksinë dhe fenomen biologjik që ndodh natyrshëm i cili është rritur për shkak të ndryshimit të klimës, sipas Mmadi Reuben, zyrtari kryesor veterinar në departamentin e botës së egër dhe parqeve kombëtare të Botsvanas.
Me përjashtim të një kali, speciet e tjera të kafshëve nuk u prekën nga fenomeni i algave blu-jeshile.
Megjithëse nuk ka indikacione zyrtare se ngordhjet e elefantëve në Botsvana mund të lidhen me ngordhjet e pazgjidhura të më shumë se 20 elefantëve pranë Hwange, një park kombëtar në Zimbabve, në gusht, besohet se një emërues i përbashkët është ndryshimi i klimës.
Botsvana është shtëpia e rreth 130.000 elefantëve – popullata më e madhe e elefantëve në botë. /Insajderi.com
