Conor Mcgregor e ka renditur humbjen e tij ndaj Khabib Nurmagomedov në katër pika. Irlandezi e pësoi ndaj rusit në duelin që u mbajt në Las Vegas në kuadër të UFC 229, duke sjellë 4 rundet shkurtazi dhe gabimet e tij.
Ai ka shkruar në postim të gjatë në Instagram, ku ka treguar se pse e humbi këtë meç.
McGregor duket se ka vlerësuar Khabibin, pasi që sipas tij ai me meritë e fitoi këtë meç, duke u treguar më i zgjuar.
Postimi i plotë i McGregorit:
Mendime për luftën time të fundit:
Rundi 1. Unë besoj nga një pikëpamje sportive, rundi 1 ishte i tij. Nga pikëpamja e luftës rundi i parë ishte i imi.
Kisha gjuajtjet dhe një gatishmëri për t’u angazhuar. Gjunjët në kokë në gjuajtjet e ulëta. Bërryla në çdo pjesë dhe të gjitha të kordinuara. Kundërshtari vetëm duke mbajtur këmbët kundër pengesës për pothuajse të gjithë rundin.
Rundi 2. Ai vrapon rreth kafazit para se të lëshonte një gjuajtje të djathtë që ndryshoi rrjedhën e rundit dhe luftën. Ishte një goditje e bukur. Pas goditjes unë u tërhoqa përsëri për t’u angazhuar në çast.
Ky është sport dhe kjo ishte një lëvizje e mençur që çoi në një rund dominant, kështu që nuk ka problem. Lojë e mirë. I dhashë të drejtën e tij duke mos luftuar aspak në përgatitje. Sulmova vetëm me kapjet / shtrëngimet. Kjo nuk do të ndodhë përsëri.
Rundi 3. Pas rundit më të keq të karrierës sime luftarake, unë kthehem dhe fitoj këtë rund. Përsëri në këmbë dhe duke u nisur përpara, dhe i gatshëm për të luftuar.
Rundi 4. Rimëkëmbja ime nuk ishte aty ku mund të kishte qenë. Ky është faji im. Ndonëse fitova shkëmbimet e hershme në rundin 4, ai sulmon sërish dhe unë përfundoj në një pozicion të keq.
Unë punoj për të rimarrë pozicionin dhe përfundoj në këmbë, me shpinë në gardh. Një pozitë e qëndrueshme. Këtu megjithatë, kam bërë një gabim kritik në këtë kohë vendimtare, duke u ekspozuar nga prapa.
Çfarë mund të them? Ishte një luftë e madhe dhe ishte kënaqësia e imja. Unë do të kthehem me besimin tim të lartë. Plotësisht i përgatitur. Nëse do të ketë rimeç menjëherë, nuk ka problem. Do të takohem me të tjerët në radhë. Gjithsesi unë jam gjithnjë i gatshëm. Shihemi së shpejti tifozët e mi të luftimeve, ju dua të gjithëve.
