Meghan dhe Harry dhurojnë të ardhurat e martesës mbretërore për trajtim të koronavirusit

Meghan dhe Harry dhurojnë të ardhurat e martesës mbretërore për trajtim të koronavirusit

Duka dhe dukesha e Sussex kanë kontaktuar së fundmi me një organizatë bamrësie për të ndihmuar me ushqim familjet në nevojë gjatë periudhës së bllokadës së koronavirusit.

Meghan Markle e Princi Harry kanë kërkuar që të ardhurat e martesës së tyre mbretërore prej rreth 90,000 paundë t’i jepen grupit bamirës Feeding Britain, i cili furnizon me ushqim familjet britanike me të ardhura të ulëta që mezin mbushin tryezën e tyre.

 

Një zëdhënës i çiftit tha se ata ishin impresionuar me punën e organizatës gjatë krizës së koronavirusit.
Harry e Meghan, të cilët kanë hequr dorë nga funksionet mbretërore dhe po jetojnë në SHBA, i telefonuan kryepeshkopit të Britanisë, i cili kreu martesën e tyre në vitin 2018 dhe është gjithashtu president i organizatës së bamirësisë në fjalë Feeding Britain.

Ish-mbretërorët u njohën me organizatën kur vizituan supermarketin e tyre të komunitetit në Merseyside, në janar të vitit të shkuar kur Meghan ishte shtatzënë.

“Duka dhe dukesha folën kohët e fundit me kryepeshkopin dhe dëgjuan për punën e bërë nga organizata e tij në mbështetje të njerëzve në nevojë gjatë krizës së Covid-19. Ata ishin të lumtur të siguronin para për të dhuruar për nje kauzë të tillë madhore,” tha zëdhënësi i tyre.

 

 

Tri propozimet e filmave nga Kaltrina në këtë kohë pandemie