Ministri i Mbrojtjes, Armend Mehaj, ka zhvilluar një takim virtual me ish-kryeministrin e Izraelit, Shaul Mofaz, këtë të diel, njofton Insajderi.
Në këtë takim, Mehaj ka shprehur falënderimin dhe mirënjohjen e lartë për kontributin e madh të Mofaz në njohjen e Republikës së Kosovës nga Izraeli, si dhe për interesimin e tij të fuqishëm dhe shtetit izraelit për Kosovën dhe perspektivën e saj.
Nga ana tjetër ish-kryeministi izraelit vlerësoi lartë vendosjen e marrëdhënieve mes dy shteteve dhe kombeve, duke nënvizuar që vonesën e deritashme ta kompensojmë me zhvillimin e marrëdhënieve dhe bashkëpunim të thellë në të gjitha fushat, duke shprehur besimin e plotë në kapacitetet e veçanta njerëzore të vendit tonë për zhvillim të shpejtë dhe të fuqishëm.
Po ashtu, Mehaj dhe Mofaz biseduan për çështjet me interes të përbashkët në fushën e sigurisë dhe mbrojtjes.
Ata u pajtuan që është shumë e rëndësishme që së shpejti të realizohet marrëveshja për bashkëpunim bilateral në mes të ministrive të mbrojtjes dhe ushtrive të dy vendeve.
Përveç kryeministër, gjenerallejtnant Shaul Mofaz, ka qenë edhe shef i shtabit të përgjithshëm të Forcave të Mbrojtjes së Izraelit dhe ish-ministër i Mbrojtjes së Izraelit. /Insajderi.com
