Në lindje të Ukrainës policia ka arrestuar një mësuese e cila është akuzuar për tentim shitje të një vajze 13 vjeçare. BBC shkruan se kjo mësuese kishte provuar ta shes atë për 10 mijë dollarë.
Ministri i Punëve të Brendshme të Ukrainës, Arsen Avakov, ka treguar për rastin në rrjetin social në Facebook, duke shpërndarë fotot e mësueses dhe vajzës. Ai njofton se policia e kishte përcjellë mësuesen për tre muaj, derisa ka thënë se blerësi i vajzës kishte për qëllim t`i marrë organet nga trupi i saj.
Vajza jetonte në konvikt pranë një shkolle në rajonin Kharkiv për jetimët dhe fëmijët të cilat nuk kanë shtëpi.
“Ata janë kapur në flagrancë’ – kur ajo mori vajzën nga shkollë për ta dërguar te blerësit dhe për të marrë të hollat,” ka thënë Avakov.
Mediet ukrainase kanë thënë se emri i të dyshuarës është Galina Kovalenko. Ajo është mësuese për gjuhën ukrainase dhe rusishte, e cila ka përvojë më shumë se 20 vjet mësimdhënie. /Insajderi.com
