Gjigandi i teknologjisë amerikane ka riorganizuar mënyrën e përditësimit në sistemin operativ Windows 10.
Microsoft aktualisht përdorë sistemin e përditësimit dy herë në vit, në pranverë dhe vjeshtë.
Por, tash e tutje kompania do të bëjë përditësimin e madh në gjysmën e parë të vitit dhe përditësimin më të vogël në gjysmën e dytë.
Ky përditësim i vogël ose “Point update”, është me kapacitet shumë më të vogël, por ende shumë më i rëndësishëm se përditësimet mujore “Patch Tuesday”, duke shtuar veçori dhe ndryshime të ndërfaqes, transmeton KosovaPress.
Një përditësim më i madh vjetor lejon ndryshimet në sistemin operativ që nuk janë të dukshme në shikim të parë, siç janë përditësimet e kernelit, API-të, modelet e drajverave dhe të tjera.
