Shqiptarët do të ishin të lumtur nëse Serbia dhe serbët nuk do të ekzistonin fare, ka thënë Aleksandër Vulin, kryetar i Lëvizjes Socialiste në Serbi dhe Ministër i Punëve të Brendshme atje, në një intervistë të tij për TV Prva, njofton Insajderi.
Ai këto deklarata i ka thënë kur i është kërkuar të komentojë ri-fillimin e dialogut Kosovë – Serbi në Bruksel, dhe njoftimin për padinë për gjenocid që qeveria e Kosovës ka thënë se po e përgatit për Serbinë.
Ai gjithashtu ka folur edhe për rastin e fundit të liturgjisë së klerikëve ortodoksë serbë, në Kishën “Krishti Shpëtimtar” në Prishtinë, kishë e cila është ndërtuar pa leje në kampusin e Universitetit.
Ndërsa, duke folur për dialogun që këtë muaj ri-nis në Bruksel, Vulin tha se “nuk jam optimist aspak”./Insajderi.com