Morata e Hazard, “makthi” i mbrojtësve këtë edicion në Premierligë [Foto]

Alvaro Morata e Eden Hazard, janë dyshja më e frikshme aktualisht në Premierligë.

Dyshja e Chelseat, ishte vendimtare në fitoren e ‘Bluve’ në fundjavë ndaj West Bromit, në fitoren e thellë prej 4:0 në udhëtim.

Morata e Hazard dëshmuan edhe njëherë se janë çelësi i suksesit të Chelseat, jo vetëm këtë edicion por edhe në vitet në vazhdim.

Hazard shënoi dy gola dhe Morata një, në fitoren e thellë prej 4:0, ku skuadra e Antonio Contes u ngrit përkohësisht në pozitën e dytë në tabelë.

Morata u transferua nga Reali në verë për 60 milionë funte, derisa deri tani ka shënuar tetë gola dhe ka katër assite, në 11 paraqitjet e para me kampionin anglez.

Edicionin e shkuar, Chelsea arriti 25 pikë në 11 ndeshje të luajtura, derisa tani e ka bërë me vetëm një ndeshje më pak të zhvilluar, që do të thotë se ka vetëm tri pikë më pak në këtë periudhë se sa sezonin e kaluar, ku arriti të shpallej kampion në Premierligë.

Por, përderisa Hazard e Morata të jenë në formë, nuk do të jetë surprizë nëse Chelsea fiton titull të madh edhe këtë edicion. /Insajderi