Dele Alli ishte një nga lojtarët më të mirë të Tottenham në kohën kur skuadra angleze drejtohej nga Pochettino. Pas ardhjes së Mourinho-s në krye të pankinës, 24 vjeçari po kalon një formë të dobët, ku ka humbur totalisht pozicionin e titullarit, njofton Insajderi.
Trajneri portugez e ka bërë të qartë se Dele Alli ka potencal, por është shumë dembel në stërvitje dhe për këtë e ka vështirë ta aktivizojë në fushën e lojës.
Pas një kohe të gjatë pa luajtur nën fanellën e Tottenham-it, Dele Alli u aktivizua në ndeshjen e Kupës së Anglisë ndaj Stoke City.
Edhe pse pas një kohe të gjatë, Mourinho u acarua përsëri me djaloshin anglez. Në konferencën për shtyp pas kualifikimit në gjysmëfinalen e këtij kompeticioni, tekniku portugez tregoi arsyen e mërzitjes.
“Ndeshja ishte 1-0 për ne dhe ai (Dele Alli) pasoi gabim. Në të vetmin rast për gol ata barazuan. Këto episode nuk i toleroj. Lojtarët e mi duhet të krijojnë aksione, jo problem skuadrës së tyre. Kjo ishte arsyeja që u acarova me të”, ka shpjeguar Mourinho. /Insajderi.com
