Përderisa politikanëve të tij të preferuar si Hashim Thaçi, Kadri Veseli e Agim Aliu, Mozzik u dhuroi albumin e tij më të ri, ai mendoi edhe për fansat e tij që nuk gëzojnë lirinë, njofton Insajderi.
“Jo të gjithë patëm fatin e njëjtë”, shkruan Mozzik në një postim në llogarinë e tij në Instagram, ku tregon se vizitoi Qendrën Edukuese Korrektuese në Lipjan dhe burgun e Smrekonicës.
Ai aty takoi fansat e tij me ç’rast u dhuroi albumin e tij të ri, “MozzArt”.
“Shpreha vullnet e me shumë dashuri ua dhashë nga një album(cd) timin,ngaqë këta janë edhe ndëgjues të flaktë të muzikës sime”.
Ndonëse këta të rinj zgjodhën rrugën e gabuar, ai vlerëson lartë përpjekjet e tyre për të korrigjuar gabimet e së shkuarës.
“Rruga që zgjodhën shumë të rinj nuk ishte e lehtë andaj sot vuajnë dënimet nga veprimet e gabimet e tyre. Pendimi e përmirësimi i të kaluarës është virtyt i lartë i njeriut. Shkëmbyem fjalë e pyetje dhe përgjigje sa patëm mundësi”.
Për fund Mozzik u kishte uruar shumë shëndet dhe shpreson që sa më shpejt t’i shohë të lirë. /Insajderi.com
