MPJ ka mohuar se është tërhequr njohja nga Madagaskari, por lufta për heqjen e njohjeve tjera ka vazhduar. Këshilltari i ministrit, Fatmir Haxholli ka thënë se në disa raste përfaqësitë e Kosovës kanë pranuar dokumente të tërheqjeve që është konstatuar se kanë qenë të falsifikuara.
Procesi për njohjen e shtetit të Kosovës nga vendet Evropiane jo vetëm që ka stagnuar, po edhe ka filluar “tërheqja” e njohjeve nga ato shtete të cilat njëherazi e kanë pranuar si një shtet të pavarur dhe sovran.
Ministria e Punëve të Jashtme e ka konsideruar si praktikë skandaloze nga ana e Serbisë duke e konsideruar si shtet jo demokratik dhe jo serioz .
Këshilltari politik i ministrit të jashtëm Behgjet Pacollit, Fatmir Haxholli ka thënë për Gazetën Insajderi se Serbia është duke përdor diplomaci të shekullit të kaluar duke bërë falsifikimin e dokumenteve.
“Ministria e Punëve të jashtme dhe Republika e Kosovës nuk e promovon praktikë skandaloze, ajo çfarë Serbia pretendon është që shumicën e rasteve i falsifikojnë dokumentet e kjo është tipike për vende jo serioze që kanë politkë të jashtme dhe diplomaci të shekullit të kaluar”, ka thënë Haxholli.
Ai e ka cekur se Serbia gjithmonë ka pasur si instrument përdorimin e propagandës dhe nuk është kjo hera e parë, të cilin e ka konsideruar si dështim të saj jo vetëm përpara opinionit të saj publik por edhe para atij ndërkombëtar për ta ndaluar formimin e shtetit kosovar.
“Propaganda ka qenë dhe mbetet instrument i tyre i vetëm, i cili është treguar i pa fuqishëm sepse nuk ka pasur kapacitet të parandalojë formimin e shtetit të Kosovës”.
Haxholli ka pranuar se nuk është bërë punë e mjaftueshme viteve të kaluar për të mbajtur raporte të mira me shtete afrikane, duke cekur se ministri i jashtëm Behgjet Pacolli është duke zhvilluar një mini-tur për t’iu vënë propagandës serbe, ku sipas të tij Serbia ka shfrytëzuar një ministër të Madagaskarit në Rusi.
“Ajo cfarë ne po bëjmë është ministri i punëve të jashtme të Repulikës së Kosovës është duke zhvilluar një mini-tur në vendet afrikane për momentin ku ka takuar Presidentin e Madagaskarit pikërisht për t’iu kundërvënë propagandës politikës së jashtme dhe diplomacisë së Serbisë të cilët po tentojnë që të shfrytëzojnë një ish-amabasdor për me shumë se 10 vite në Rusi tashmë ministër i jashtëm i Madagaskarit, duke ditur ne se si Serbia qëndron në raport me lidhjet e saj në Rusi dhe prezencën e diplomacisë e saj atje, ata po mundohen që ta shfrytëzojnë këtë moment. E vërteta është që viteve e kaluara nuk është punuar mjaftueshëm për t’i kultivuar këto raporte dhe kjo po korrigjohet nga ministrit i jashtëm i Kosovës Behgjet Pacolli, ka shtuar Haxholli për Insajderi.
Sa i përket tërheqjes së njohjeve të cilat janë lajmëruar nga Serbia, Haxholli ka mohuar kategorikisht, duke pohuar se Serbia ka dërguar shkresa në adresë të përfaqësisve e të Kosovës të cilat janë cilësuar të flasifikuar nga personat adekuat që merren me autencitetin e dokumenteve.
“Unë e thash ne kemi evidencën që merren me autencitetin e dokumenteve në fjale e cila dëshmon që Serbia ka falsifikuar dokumentet të ashtuquajtur të vendeve afrikane dhe po ashtu kemi informacion të besueshëm të disa rasteve, nuk mund të përjashtojmë që ajo për dërgon shkresa të ndryshme në adresa të institucioneve në përfaqësitë Kosovës në vendet tjera”/Insajderi.com
