Ismet Munishi ka thënë se refuzon që t’i quajë kombëtare që të dyja, edhe ekipin kombëtar të Shqipërisë, por edhe atë të Ksoovës.
Sipas Munishit, as Kombëtarja e Shqipërisë nuk i përfshinë të gjithë shqiptarët, por vetëm gjysmën e tyre, transmeton Insporti
I pyetur se a do të ishim si ekip më të fortë nëse do të ishim bashkë, një kombëtare e Kosovës dhe e Shqipërisë, ai tha se nuk beson në një gjë të tillë.
“Nuk kemi as në reprezentacionin e Shqipërisë, nuk i them kombëtare sepse as ata s’i përfshijnë të gjithë shqiptarët por vetëm gjysmën”, deklaroi Munishi në ‘Debat Plus’ në RTV Dukagjini.
“As në reprezentacionin e Kosovës, që prap e quaj reprezentacion sepse i kam arsyet e mija”, tha ai.
“Nuk do të ishim më të fortë, më mirë jemi kështu sepse ka më shumë vend që të promovohen fubollistë”, theksoi Munishi.
“Do të ishte pikëpyetje se a do të inkuadroheshin të gjithë lojtarët. Lista e lojtarëve do të kishte qenë më e ngushtë nëse do të kishim vetëm një reprezentacion, dhe normalisht që promovimi do të ishte më i vështirë”, tha Munishi ndër të tjera. /Insporti.com/