Mustafa nuk do t’i tërheq ministrat dhe zëvendësministrat e LDK-së nga detyrat e tyre në kohën e Covid-19

Mustafa nuk do t’i tërheq ministrat dhe zëvendësministrat e LDK-së nga detyrat e tyre në kohën e Covid-19

Kryetari i Lidhjes demokratike të Kosovës, Isa Mustafa ka njoftuar se ai nuk do t’i tërheq njëanshëm ministrat dhe zëvendësministrat e LDK-së nga detyrat e tyre në Qeverinë në dorëheqje.

Mustafa këtë e ka bërë të ditur përmes një statusi në Facebook. Ai ka thënë se pasi që koalicioni VV-LDK ka rënë mbrëmë, tani mbetet në vullnetin e Kryeministrit në detyrë, se a do të vazhdoj të punoj me ta gjatë kësaj gjendjeje emergjente, derisa të zgjedhet qeveria tjetër.

“Në kohën kur po ballafaqohemi me Pandeminë e COVID-19, si Kryetar i LDK-së, nuk do ti tërheq njëanshëm ministrat dhe zëvendësministrat e LDK-së nga detyrat e tyre në Qeverinë në dorëheqje.
Pasi që koalicioni VV-LDK ka rënë mbrëmë me mocion votëbesimi me votat e mbi 2/3 e deputetëve, mbetet në vullnetin e Kryeministrit në detyrë, z.Kurti, se a do të vazhdoj të punoj me ta gjatë kësaj gjendjeje emergjente, derisa të zgjedhet qeveria tjetër, apo do të bëj veprime tjera, ashtu siç e liroi z. Avdullah Hoti nga pozita e zëvendëskryeministrit të parë mbrëmë para mesnate! IM”, ka shkruar Mustafa.