Johan Cruyff, legjenda e futbollit holandez, ka ndërruar jetë pas një beteje disamujore me kancerin në mushkëri.
Ish-lojtari i Ajaxit dhe Barcelonës, tre herë fitues i Topit të Artë, ka ndërruar jetë në moshën 68-vjeçare.
Në një komunikatë të postuar në faqen e tij zyrtare në internet u konfirmua vdekja e legjendës holandeze të futbollit.
“Në 24 mars 2016, Johan Cruyff (68) vdiq në Barcelonë, i rrethuar nga familja e tij, pas një lufte të vështirë me kancerin. Me trishtim të madh ju kërkojmë të respektoni privatësinë e familjes në këtë periudhë zie”, shkruan faqja e tij zyrtare në Facebook.
Muajin e kaluar, një nga protagonistët kryesorë të Futbollit Total me Holandën e viteve ’70, kishte thënë muajin e kaluar se po fitonte 2-0 me kancerin.
Johan Cruyff ka udhëhequr Ajaxin në fitoren e 3 Kupave të Evropës radhazi (1971-1973) dhe ishte kapiteni i skuadrës holandeze që u mund në finalen e Botërorit të vitit 1974 nga Gjermania Perëndimore.
