fbpx

Nintendo së shpejti vjen me “Dr. Mario World” për Android dhe iOS

Nintendo së shpejti vjen me “Dr. Mario World” për Android dhe iOS

Përmes një postimi në Twitter, kompania e njohur e video-lojërave Nintendo ka treguar se së shpejti do të sjellë një video-lojë të re për smartfonë.

Në postim shkruan se Nintendo do të sjellë video-lojën e re Dr. Mario të titulluar “Dr. Mario World”, transmeton Koha.net. Franshiza e Dr. Marios ishte gjithnjë e njohur për video-lojën e saj “puzzle”.

Kjo është një lloj video-loje e cila mund të përshtatet shumë mirë si një lojë për smartfonë, shkruan gsmarena.

Fjala “World” te kjo video-loja nënkupton se është video-lojë për platforma, si Android dhe iOS. Po ashtu, “Dr. Mario World” do të zhvillohet nga LINE dhe Nintendo.

Gjithashtu, së fundmi është duke u raportuar se Nintendo është duke punuar edhe në video-lojën e re “Mario Kart Tour” për smartfonë, versioni për celularë i franshizës më të madhe të kësaj kompanie dhe pritet që të lansohet këtë verë.