Ka nisur marshi protestues në nderim të aktivistit të Lëvizjes Vetëvendosje, Astrit Dehari, i cili vdiq të shtunën në Qendrën e Paraburgimit në Prizren.
Mijëra pjesëmarrës u nisën nga Biblioteka Kombëtare për të vazhduar përgjatë rrugës “Xhorxh Bush”.
Pavarësisht shiut, me çadra në duar ata marshonin të qetë.
Marshit i parapriu një mbledhje komemorative e cila u mbajt në Sallën e Kuqe të Fakultetit Filologjik, për ta kujtuar aktivistin e Lëvizjes Vetëvendosje, Astrit Dehari./Insajderi.com
