Një ditë para afatit serb për Asociacionin zyrtari serb do ta vizitojë Kosovën

Një ditë para afatit serb për Asociacionin zyrtari serb do ta vizitojë Kosovën

Ndihmësi i drejtorit të së ashtuquajturës zyrë për Kosovën në qeverinë serbe, Petar Petkoviq, do të qëndrojë nesër në Kosovë, gjegjësisht në Zveçan.

Ai, sipas njoftimit të kësaj zyre, do të marrë pjesë në takimin e përfaqësuesve politikë serbë të Kosovës me anëtarët e Ekipit Drejtues për themelimin e Asociacionit të komunave serbe, raporton Koha.net.

Siç ka njoftuar kjo zyrë, takimi do të nis në orën 13 në sallën e Kuvendit Komunal të Zveçanit.

Serbët e Kosovës kanë paralajmëruar se do të themelojnë njëanshëm Asociacionin në rast se Qeveria e Kosovës nuk lëviz në këtë drejtim. Ata kanë thënë se do të presin vetëm deri më 20 prill.