Një person ka vdekur dhe janë plagosur pesë të tjerë me armë zjarri në fshatin Hallaq të Lipjanit, njofton Insajderi.
Rasti ka ndodhur rreth orës 07:00 në mëngjesin e sotëm, ka konfirmuar për Insajderi.com zëdhënësja e policisë, Flora Ahmeti.
Policia ka marrë informacion “për një plagosje me arme zjarri në fshatin Hallaq i madh të Lipjanit”.
“Bazuar në të dhënat fillestare në këtë vend janë plagosur 6 persona, prej tyre një mashkull, shtetas i Republikës se Kosovës, i cili nuk ka mundur t’u përballoj plagëve të mara nga arma e zjarrit dhe ka ndërruar jetë”, ka thënë Ahmeti.
Ende nuk janë bërë të ditura motivet e rastit që ka çuar në vdekjen e një personi dhe plagosjen e pesë të tjerëve./Insajderi.com