Një person ka vdekur brenda 24 orëve të fundit në Kosovë, si pasojë e infektimit me Coronavirus, njofton Insajderi.
Siç bën të ditur Ministria e Shëndetësisë, edhe 18 raste të reja kanë rezultuar pozitivë me COVID-19, nga gjithsej një mijë e 963 testime.
Sot janë shëruar 14 qytetarë, derisa numri i përgjithshëm i të shëruarve është 105.255, ndërkaq numri i rasteve aktive është 165.
Në 24 orët e fundit janë dhënë gjashtë mijë e 595 doza të vaksinës kundër COVID-19.
Prej fillimit të vaksinimit në të gjitha qytetet e Kosovës janë dhënë 141.008 doza të vaksinës. Deri më sot 20.701 qytetarë janë vaksinuar me dozën e dytë. /Insajderi.com