Ushtruesja e detyrës së presidentes së Kosovës, Vjosa Osmani, do të vazhdojë takimet e saj në Bruksel edhe gjatë ditës së sotme, njofton Insajderi.
Të mërkurën e 13 janarit, Osmani pritet të takohet me presidenten e Dhomës së Përfaqësuesve, Eliane Tillieux dhe presidenten e Senatit të Belgjikës, Stephanie D’Hose.
Gjatë ditës së martë Osmani u takua me Oliver Varhelyi, Komisionar për zgjerim dhe fqinjësi, si dhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian: Rainer Wieland, zv.presidenti i PE-së, Lukas Mandl (EPP), Viola von Cramon- Taubade, raportuese për Kosovën në PE, Ilhan Kyuchyuk, nga Grupi Reneë dhe Andrey Kovatchev, nënkryetar i EPP-së.
Osmani atje u prit në takim edhe nga emisari i BE-së për dialog, Miroslav Lajçak. /Insajderi.com
