Organizata e Veteranëve të Luftës së UÇK-së sot e ka dënuar ftesën që Gjykata Speciale i ka bërë kryeministrit të Kosovës, Ramush Haradinaj dhe këshilltarit të presidentit, Bislim Zyrapi.
Gjykatën Speciale e kanë quajtur të padrejtë dhe të njëanshme, duke shprehur bindjen e tyre se ish i pari i Qeverisë do të dalë faqebardhë nga kjo. Ndërkaq, nuk e kanë mohuar që mund të ketë dhe zyrtarë të tjerë të ftuar për intervistim nga Gjykata Speciale.
Pas mbledhjes se kryesisë së OVL UÇK-së, përmes një konference për media, kryetari Hysni Gucati ka thënë se kjo Gjykatë është e padrejtë dhe e njëanshme.
“Ne e dina që kryeministri Haradinaj do të del faqebardhë siç ka dal deri më tash. Ne e kemi dënuar disa herë Gjykatën Speciale, ne nuk presim diçka të mirë prej tyre. Posa e morëm lajmin se dhe Bislim Zyrapi ka marr ftesë për intervistë. Ne e dënojmë këtë ftesa, këto gjykata janë të padrejta të njëanshme”, ka thënë Gucati.
