Gjykata Themelore në Prishtinë ia ka caktuar masën e paraburgimit prej një muaji personit i cili dyshohet se ditën e djeshme e kishte sulmuar brenda Gjykatës, prokurorin B.I.
“Gjykata Themelore në Prishtinë ka aprovuar kërkesën e Prokurorisë Themelore në Prishtinë, për caktimin e masës së paraburgimit kundër të pandehurit E.G., për shkak të dyshimit të bazuar se ka kryer veprën penale sulm ndaj personit zyrtar në kryerjen e detyrave zyrtare nga neni 410 paragrafi 1 të Kodit Penal të Republikës së Kosovës”, thuhet në komunikatën e lëshuar nga Gjykata Themelore në Prishtinë.
Rasti ka ndodhur ditën e djeshme, në Pallatin e Drejtësisë .Pas përfundimit të seancës gjyqësore i pandehuri E.G iu ka drejtuar me zë të lartë Prokurit të Shtetit B.I dhe e kishte sulmuar fizikisht duke e kapur nga krahu.
Pala ka të drejtë ankese kundër këtij vendimi në Gjykatën e Apelit në Kosovë.
