Në Londër po vazhdojnë finalet e turneut ATP Finals për meshkuj në tenis, ku marrin pjesë 8 tenistët më të mirë në botë.
Në grupin Bjorn Borg befasitë janë të shumta. Tenisti austriak Dominic Thiem, pasi mposhti ditën e parë Roger Federerin, triumfoi 2-1 edhe ndaj numrit 2 në botë, serbit Novak Djokovic (6-7, 6-3, 7-6).
Fitore me përmbysje e Thiemit, që falë këtij triumfi siguron një biletë për në gjysmëfinalet e këtij turneu.
Fitore shënoi edhe Roger Federer, që mundi 2-0 (7-6, 6-3) italianin Matteo Berrettini, duke qenë ende në garë për të avancuar më tej.
Gjysmëfinalisti i dytë i këtij grupi do të dalë nga sfida direkte mes Federerit dhe Djokovicit.
Sot luhen dy ndeshjet e dyta të grupit Andre Agassi, ku spanjolli Rafael Nadal do të duelojë ndaj rusit Daniil Medvedev.
Ndërsa sfida e dytë është ajo mes dy fituesve të ditës së parë, grekut Stefanos Tsitsipas dhe gjermanit Alexander Zverev.
London, you’ve just witnessed a CLASSIC.@ThiemDomi defeats Djokovic 6-7(5), 6-3, 7-6(5) to book his spot in the #NittoATPFinals final four 🙌
🎥: @TennisTV pic.twitter.com/34arwXNxRG
— ATP Tour (@atptour) November 12, 2019