Hellas Verona regjistroi humbje përballë kampionit aktual të Italisë Juventus në ndeshjen e zhvilluar mbrëmë në kuadër të kampionatit elitar italian Serie A.
Në ndeshjen e zhvilluar në “Allianz Stadium”, skuadra nga Verona pësoi humbje me rezultat të ngushtë 2:1.
Nga minuta e parë në këtë ndeshje luajti edhe qendër-mbrojtësi i Kosovës Amir Rrahmani, i cili përkundër një paraqitje të mirë, nuk arriti ta shpëtojë skuadrën e tij nga humbja.
Pavarësisht humbjes, Rrahmani beson se skuadra e tij bëri një paraqitje të mirë përballë Juventusit, skuadër e cila luajti me sulmuesit Paulo Dybala dhe Cristiano Ronaldo.
“Paraqitje e mirë nga skuadra. Foksui tani në ndeshjet e radhës”, shkroi Rrahmani në rrjetin social “Instagram”.
Ndryshe, mbrojtësi nga Prishtina u transferua këtë verë te Hellas Verona nga gjiganti kroat Dinamo Zagreb.
