Kryetari i Partisë Demokratike të Kosovës, Kadri Veseli ka reaguar pas konfirmimit se dy raste kanë rezultuar pozitive me virusin korona në Kosovë.
Veseli ka kërkuar nga qytetarët që përcjellin udhëzimet e profesionistëve si dhe të kujdesen dhe mbrojnë shendetin e tyre.
“Konfirmimi i dy rasteve me coronavirus në vendin tonë duhet të na shtojë kujdesin, por jo panikun. Kosova ka mjekë të mrekullueshëm dhe ne u besojmë atyre.
Lus të gjithë qytetarët që të përcjellin dhe respektojnë udhëzimet e profesionistëve shëndetsorë se si ta mbrojmë veten dhe njëri-tjetrin”, ka shkruar Veseli.
