Zëdhënësi i Partisë Demokratike të Kosovës, Avni Bytyçi, ka reaguar pas raportimit se partia e tij po bëhet gati të hyjë në koalicion qeverisës, njofton Insajderi.
Bytyçi, në profilin e tij në Facebook, ka shkruar se PDK-asnjëherë deri më tani nuk e ka shqyrtuar e as trajtuar këtë temë.
“Lajmi nga syri.net se PDK po bëhet gati të hyjë në Koalicionin qeverisës, është plotësisht i pavërtetë. Për një kohë të gjatë, disa media dhe analistë po e mashtrojnë opinion se kinse ka një marrëveshje për hyrjen e PDK-së në Qeveri. Janë përmendur emra e konfiguracione politike. Por, të gjitha këto, janë të pavërteta”.
Ai tha se PDK-ja është në opozitë dhe do të vazhdojë të qëndrojë si e tillë./Insajderi.com
