Kryesia e Partisë Demokratike të Kosovës pas mbledhjes në orët e mëngjesit ka vendosur që të marrë pjesë në seancën e sotme konstituive, ku do të votohet për kryeparlamentar dhe nënkryetarë të Kuvendit.
Mbledhja e Kryesisë së PDK-së tashmë ka përfunduar, ndërsa e vetmja pikë diskutimi ka qenë pjesëmarrja në seancë, raporton Telegrafi.
Ndryshe, edhe Nisma për Kosovën, dje ka paralajmëruar pjesëmarrjen në seancën e sotme.
Por, i nominuari për kryeministër nga ky koalicion, Ramush Haradinaj dje ka thënë se ka mundësi që nuk do të marrin pjesë fare në seancë për shkak të paralajmërimeve të AKR-së se nuk do ta votojnë kandidatin e PAN-it për kryeparlamentar.
Seanca e sotme konstituive do të mbahet në ora 10:00.
