Loriana Kuka ka përfunduar pjesëmarrjen e saj në Kampionatin Evropian në xhudo në Tel Aviv dhe me të përfudnon edhe pjesëmarrja e ekipit kombëtar të Kosovës në këtë garë.
Kuka zhvilloi luftën e saj të parë të repasazhit me portugezen Yahima Ramirez dhe në këtë luftë pësoi me ippon. Duhet thënë se Kuka ra në ippon edhe në këtë luftë, ngjashëm ashtu si në çerekfinalen që e humbi ndaj francezes Tcheumeo, pas një sulmi të dështuar, kundërshtarja iu kthye me kapje nga ana e kundërt dhe e rrëzoi Kukën, më pas e mbajtu në kapje derisa nuk fitoi ippon dhe e përfundoi luftën.
